Ակտիվ մասնակցությունն արդյունավետ թերապիայի գրավականն է։ Անհրաժեշտ է ժամանակ, ձգտում եւ կարգապահություն։

• Մասնակցեք բոլոր ամրագրած սեսիաներին։ Մի շեղվեք օրակարգից։ Հիշեք, որ թերապիայի արդյունավետության գրավականներից մեկը հետեւողականությունն է։

• Թերապեւտի հետ սահմանեք նպատակներ։ Հոգեթերապիան գործընթաց է՝ ակնթարթային լուծումներ գոյություն չունեն։

• Նախքան սեսիան ինքներդ ձեզ համար ժամանակ հատկացրեք, մասնավորապես, եթե անհանգստանում եք այցելության վերաբերյալ։

• Ազնիվ եղեք մասնագետի հետ։ Հաջողությունը կախված է ձեր հույզերը, մտքերն ու փորձը ներկայացնելու պատրաստակամությունից։

• Հոգեթերապիան ամբողջությամբ այցելուի եւ մասնագետի միջեւ թերապեւտիկ հարաբերությունների մասին է։ Ձեր թերապեւտը կօգնի նույնականացնել խնդիրները եւ կուղղորդի հաղթահարել դրանք։

• Մոտիվացիայի բացակայության պայմաններում հաջորդ սեսիան բաց թողնելու միտքը կարող է գայթակղիչ թվալ։ Դա կարող է կանգնեցնել ձեր առաջընթացը։

• Հետեւեք մասնագետի առաջարկներին, եթե անհրաժեշտ է սեսիայից դուրս որեւէ բան անել։ Նման առաջադրանքները կարող են օգտակար լինել իրական կյանքի իրավիճակներում։